طبق اليوم.. «مكرونة بشاميل بالبط»

المقادير:
1 كيس مكرونة قلم
1 بطة متوسطة الحجم ومسلوقة
4 ملاعق كبيرة دقيق
2 كوب لبن
2 كوب شوربة بط
2 بيضة
2 معلقة سمنة كبيرة
رشه ملح وفلفل

الطريقة:
- اسلقى المكرونة، وأخلى البطة من العظام والجلد.

البشاميل:
- شوحى الدقيق فى السمنة وضيفى عليه اللبن والشوربة باردين، وقلبى حتى الغليان.
- تبليهم بالملح والفلفل واتركيهم يبردوا وضيفى بيضة وقلّبى.
- ارفعى ربع الكمية فى طبق، وضيفى المكرونة على باقى البشاميل وقلبيهم.
- أحضرى صينية متوسطة الحجم، وادهنيها بالسمنة، ورشيها بالبقسماط الناعم، وضعى 1/3 الكمية من المكرونة.
- ضيفى كمية من البط المخلى، ثم الثلث الثانى من المكرونة، ثم باقى البط المخلى، وفى النهاية ضيفى باقى المكرونة.
- ضعى باقى كمية البشاميل، وعلى وجه الصينية ضعى البيضة، ثم رشى على الوش فلفل أسود، وأدخليه الفرن على درجة حرارة 180 درجة لمدة ربع ساعة لحد لما الوش يحمر.