استعرض الإعلامي محمد جاد الله قصة "تيم برنرز لي"، في حلقة جديدة من برنامج سيرة ومسيرة.
وأوضح: "في مارس سنة 1989.. تيم برنرز لي كان مهندس شغال في معمل سيرن للأبحاث في سويسرا. قدم لمديره ورقة صفحة واحدة.. بيقترح فيها نظام يربط المعلومات ببعضها بروابط.. تدوس عليها تنقلك لصفحة تانية على طول".
وأضاف: "وفي ديسمبر 1990.. ظهر أول سطر على الشاشة.. وكانت دي لحظة ميلاد الويب.
اللحظة اللي غيرت كل حاجة كانت سنة 1993. تيم أخد قرار غريب جداً في وقتها. قرر يخلي كود الويب ملك عام لكل البشر.. من غير أي حقوق ملكية".
بينما في سنة 2018 وقف تيم برنرز لي يحذر العالم من إن حلمه "بيتسرق قدام عينيه".
وقال: "إن الويب اللي اتبنى عشان يخدم الناس... بقى في أماكن كتير أداة لنشر الكراهية، والتضليل، والإعلانات اللي بتطارد المستخدم في كل مكان".
