تحدثت نور شلبي، عن قصة تمرد البرازيلي خوان ألفينا بيزيرا، لاعب الفريق الأول لكرة القدم بنادي الزمالك، وغيابه وعدم انضمام اللاعب لتدريبات الفريق حتى الآن، وهل يستطيع اللاعب الانضمام لنادي آخر بدون موافقة الفارس الأبيض؟
وقالت "شلبي": "قصة تمرد بيزيرا على الزمالك مطولة أوي ولسه مفيش حلول مطروحة أو بوادر لانتهاء الأزمة.. لأنه حتى بعد الوعود اللي قدمها اللاعب للزمالك في اجتماع عبر زووم من أكتر من أسبوع.. اللاعب لسه مختفي ومنقطع عن التدريبات ومش موجود في مصر من الأساس، ومسلسل تمرده لسه في عرض مستمر".
وتابعت: "الزمالك بيدفع تمن ده بسبب إيقاف القيد ومتأثر فنيًا جدًا بغياب اللاعب.. في نفس الوقت اللي طلعت فيه تقارير بتقول إن اللاعب موجود في الامارات وممكن يخلص مع نادي هناك.. بالرغم من تأكيد نادي شباب أهلي دبي الإماراتي اللي كان مقدم أكتر من عرض للزمالك عشان يشترى اللاعب إنه مش هيضم اللاعب إلا بموافقة الزمالك.. لكن كل الاحتمالات واردة".
