كثيرًا ما يبدع الأطفال فى شتى أنواع الفنون والرسوم ما يستدعى أن ينمى أولياء أمورهم تلك المهارات عندهم سواء بالتشجيع المادى أو المعنوى.
هذا ما وجدناه عند إحدى الأمهات إذ شجعت ابنتيها مايا وليليان حسام شحاتة عبدالجواد، واللتين تبلغان من العمر 6، و3 سنوات، على تصميم مكتبة تحوى جميع ألعاب الأطفال لتكون فى متناول أى طفل يريد استعارتها منهما.
مايا قالت لنا: "كنت بسأل نفسى ليه كل أصحابى ميخدوش ألعابى يلعبوا بيها؟.. علشان كده عملت المكتبة وبدى أى حد أى لعبة هوه عايزها"، وأضافت: "أنا معايا فلوس وعايزة أحوش علشان لما أكبر أجيب عربية، وبقول لأى حد ياخد لعبة حافظ عليها متقطعاش".
أما والدة مايا، فقالت: "الفكرة جات لما مايا دخلت المدرسة وبقى فيه حصة كل يوم ثلاثاء ينزلوا المكتبة ويستعيروا كتاب فجات قالتلى أنا عايزة أصحابى ياخدوا اللعب بس يرجعوها لى تانى".
وأضافت: "أنا ساعدتها على كده هيه وأختها وصورت فيديو ليهم وبقى الأطفال ييجوا يستعيروا اللعب منهم"، متابعة: "مايا بقت عارفة قيمة الفلوس، وبقت عارفة تتعامل فى المواقف المختلفة، وأولياء الأمور فرحوا بالفكرة دى إن أطفالنا ينفع يشتغلوا فى الحكاية دى فى الصيف".
