تأهلت مصر لدور الـ16 بكأس العالم لأول مرة في تاريخها بعد إقصاء أستراليا بركلات الترجيح (4-2).
وقالت نور شلبي في فيديو جديد على موقع "مبتدا": "مصر بتكتب صفحة جديدة كل حرف فيها ما كانش موجود قبل كده. الفراعنة، بقيادة حسام حسن، خطفوا التأهل لدور الـ16 لأول مرة في تاريخ مشاركاتنا بكأس العالم، بعد مباراة هيفتكروها الأجيال الجاية قبل ما تتفتكرها الأجيال اللي عاشتها.. ده هو أول تأهل لينا في مباراة إقصائية في المونديال.. إنجاز يستحق يتكتب في تاريخنا وتاريخ حسام حسن اللي أثبت إن المدرب المصري لا يعلى عليه مع المنتخب.. ده غير إننا حنى الآن مخسرناش ولا مباراة في مونديال 2026".
وتابعت: "لعبنا ماتش تاريخي أمام أستراليا وسجلنا هدف التقدم برأسية من وسط كل أطوال لاعيبة أستراليا.. إمام عاشور دخل التاريخ بعد ما بقى ثالث لاعب في تاريخ مصر يسجل هدفين أو أكثر في كاس العالم بعد محمد صلاح وعبد الرحمن فوزي.. إمام كمان بقى ثاني لاعب في تاريخنا بسجل في مبارتين مختلفين في المونديال بعد صلاح".
وتأهل منتخب مصر لدور الـ16 من بطولة كأس العالم 2026، عقب فوزه على نظيره الأسترالي بنتيجة 4-2 بركلات الترجيح، بعد أن حسم التعادل الإيجابي 1-1، نتيجة الوقتين الأصلي والإضافي من المباراة التي جمعت الفريقين، مساء الجمعة، على ملعب إيه تي آند تي ستاديوم بمدينة دالاس الأمريكية، ضمن مواجهات دور الـ32 من البطولة.
