تحدثت نور شلبي في الحلقة الجديد من البرنامج المُذاع عبر موقع مبتدا، عن مستقبل النجم الدولي إمام عاشور، لاعب خط وسط النادي الأهلي، بعد تألقه رفقة منتخب مصر في كأس العالم 2026، ووجود العديد من عروض الاحتراف في عدد من الدوريات.
وقالت نور: "قصة إمام عاشور مع الأهلي معقدة شوية.. كل شئ ممكن يحصل ببساطة.. بس الكواليس معايا وهفهمك وفي النهاية هتبقى عرفت إمام عاشور هيمشي ولا هيكمل؟!".
وتابعت: "إمام عاشور كان عنده مشكلة مع الأهلي طول الموسم اللي فات.. لأنه حاسس إنه مش متقدر ماديًا، وخصوصًا إن فيه لاعيبة كانت بتاخد أضعاف راتبه مع الأهلي، وعلى رأسهم زيزو.. عشان كده حصل بعض المواقف والغيابات وتذتذب في مستوى إمام نفسه مع الأهلي في آخر موسم".
وأضافت: "بعدها في كاس العالم، إمام عاشور انفجر مع المنتخب وسجل هدفين وقدر يقدم بطولة رائعة خلته يحصل على المركز الـ28 في قايمة أفضل اللاعبين في كاس العالم 2026.. وده كان أعلى تقييم للاعب مصري في القائمة".
