تحدثت الدكتورة جيهان رسلان، أخصائية التغذية العلاجية، عن ظاهرتين انتشرا مؤخرا وهما: BPD والـDetox.
وقالت الدكتورة، خلال ندوة خاصة استضفها موقع "مبتدا" إن العمودين الأساسيين لخفض أو زيادة الوزن، هما نظام غذائى صحى متكامل وممارسة الرياضة بشكل منتظم، ويأتى معهما أى شىء آخر.
وأوضحت رسلان: "أى حاجة جمب النظام الصحى والرياضة هتفرق، بس ماينفعش اعتمد على الديتوكس مثلا لوحده"، ونصحت الدكتورة بأهمية شرب المياه فى صورتها الطبيعية: "فيها إيه لو شربتى المياه فى حالتها العادية وكلتى الحاجات اللى هتحطيها فى الديتوكس فى حالتها العادية، هى هى، كده أفضل كمان".
وعن الـPlant Based Diet، قالت أخصائية التغذية العلاجية: "فكرته حلوة أوى، هو بيقدم الأكل الصحى، الأكل الخالى من الملح والسكر والمواد الدهنية، بالإضافة لمنع المنتجات الحيوانية، هو بيعتمد على الخضار والفاكهة بصورة أكبر".
ونصحت الدكتورة بالتقليل قبل المنع، وقالت: "فى ناس حققت نجاحات فى النظام ده وفى ناس تعبت منه، ولكى يكون الجسم فى أمان أكثر، يمكن الجمع بين النظامين، نزود خضار وبقوليات وفاكهة، ونقلل مقدار أكلنا من المنتجات الحيوانية فى كميتها وعدد مرات أكلها فى الأسبوع، وأكلها بطريقة صحية".
