تسائلت نور شلبي في الحلقة الجديد من البرنامج المُذاع عبر موقع مبتدا، عن هوية بطل كأس العالم 2026، تزامنًا مع الدور نصف النهائي من المونديال.
وقالت نور: "بعد شهر كامل من الإثارة، والمفاجآت، وخروج منتخبات كانت مرشحة بقوة زي البرازيل وألمانيا والبرتغال وبلجيكا، وصلنا للمربع الذهبي.. والغريب إن الأربعة اللي فضلوا في البطولة هما نفس أول 4 منتخبات في تصنيف فيفا قبل انطلاق كأس العالم.. فرنسا، إسبانيا، إنجلترا، والأرجنتين".
وأضافت: "يعني البطولة في النهاية جمعت أقوى المنتخبات على الورق.. لكن دلوقتي مفيش ورق ولا تصنيف، دلوقتي الملعب هو اللي هيحكم.. نبدأ بأول نصف نهائي فرنسا ضد إسبانيا مواجهة بين منتخبين قدموا بطولة كبيرة جدًا، فرنسا وصلت وهي من أقوى خطوط الهجوم في البطولة، ومع وجود مبابي وديمبلي وأوليسي، أي فرصة ممكن تتحول لهدف في ثواني".
وتابعت: "لكن في المقابل إسبانيا يمكن تكون أكتر منتخب قدم كرة جماعية في المونديال، استحواذ، ضغط، وتنظيم تكتيكي عالي جدا وبرغم إنه كان متوبع لإسبانيا تألق أكتر من كده في البطولة.. لكن إسبانيا هي إسبانيا قادرة تفوز على أي منتخب في المونديال عادي.. مباراة صعبة والخطأ فيها ممكن ينهي حلم بطولة كاملة لأي منتخب منهم.. توقعي الشخصي.. فوز فرنسا بصعوبة على إسبانيا".
