تحدث الإعلامي شنودة فيكتور عن الشعور بالاكتئاب مع بعد إجازة العيد، وهل هو حقيقة نفسية ولا دلع موظفين، وذلك خلال حلقة جديدة من برنامج بالمعدول، المُذاع عبر موقع مبتدا.
وقال: "المنبه يرن.. لكن المرة دي الموضوع مختلف.. مش مجرد نوم.. لكن احنا بعد إجازة 6 أيام فسح وخروجات في العيد راجعين من تاني للشغل.. مقاومة قوية جدًا وكلنا بنقول لسه بدري، هو مفيش يوم إجازة تاني من الشغل، وتحس إن الجسم مش مهيأ نفسه إنه يقوم من تاني ويشتغل".
وتابع: "من سهر وخروجات ولمة عيلة وأكل في أي وقت.. هترجع تاني للزحمة والمواعيد والالتزام والاجتماعات، ولجملة يلا يا جماعة نبدأ بقوة بعد الإجازة واللي كلنا بنقولها، لكن السؤال المهم هو ليه فعلًا في أول يوم بعد إجازة العيد بتبقى الدنيا تقيلة".
